連續好多日都o係屋企hea...

呢兩日總算係出過下街咁...

尋日同law哥踩車衝左去大圍...

去果陣真係勁支力..勁大風咁..

好彩返黎順風..總算舒服得多..

但係就曬到我地對手紅曬...可能都會甩皮喇..

返到黎又出去打波..對手真係曬到好似俾火燒完咁=.=

今日見無太陽..所以又出左去行下...

之後就同law哥..成哥一路行一路吹下水咁...

夜晚又再出去跑步..好想快d可以操fit自己!!

成年有多無掂過個xanga...

估唔到睇番都仲有人會上黎睇..

呢一年真係發生左好多事...

當中有開心有唔開心...

唔開心ge咪當買個教訓..下次自己學精d...

好彩都有d開心野...

就係可以入到CMA度做..識到好多新朋友...

成班人都幾nice..又好攪笑咁~

同中五m記果班比起...

我諗呢班可以一直咁做到朋友ge...

依家放完榜..又要等一個月放jupas...

呢一個月其實真係唔係咁想搵野做...

同埋邊有咁易搵得到...

但係日日o係屋企又要俾人鬧...好辛苦..

每日d屋企人點都會搵到黎野話你...

每日都覺得好唔舒服..但係又唔知可以同邊個講..

所以就就咁打曬出黎算...

無野做..所以就有好多時間去做運動..

日日唔係打波就係跑步...

我諗好快就可以keep番fit喇~

好辛苦先過左一個星期...

依家總係覺得每個星期都係捱過去咁...

星期五見weekend..留低左打球同睇波..

睇左大半場羅中甲組籃球...

到最尾果節..羅中head住十幾分..

仲以為對面果隊差得咁緊要...

o係最尾果節仲一之換5個人...

諗住見輸硬就出後備黎玩下...

點知呢班先係正選咁ge實力...俾佢地fake曬...

一換曬d勁ge出黎..羅中最尾果節好似無入分咁制..

但係對面就好似追平埋..好明顯羅中就俾人串7左...

星期6..一朝早就要起身補習..都幾眼訓...

補完就返屋企hea左幾個中頭...

之後聽講和富大埔今日主場打香雪上清飲(香雪...

橫掂咁近..又未試過現場睇波...

咁就同老大side左20蚊去左睇波...

o係果度都見到唔少熟人..而且都好多人入場...氣氛好正~

大埔d人係咪都話對面插水..出界之類咁..都幾攪野~

估唔到大埔真係有d料到...

開波5分中就已經先開紀錄...最尾大數4比0...

呢廿蚊都真係無白side...入面d氣氛真係唔錯~

一入波成班友一齊企曬起身叫曬咁~爽!!

連續幾個星期ge 大學open day..

就o係尋日就已經完曬喇..

其實之後都仲有兩三間會有...

不過果d都無咩特別科想讀..所以都唔會去喇...

去左呢幾個open day..每個都拎到d好寶貴ge資料..

非常有用~!對點揀科真係有唔少幫助..

尋日係hku ..前一晚都睇過..其實都無太多野係好想讀..

勁果d科又真係無咩可能入...

好似醫科咁...真係諗都唔洗諗啦...

一黎收得勁高..二黎第時真係做ge話..成日見到d爆血位真係好難頂..

所以尋日都係集中睇d中中挺挺ge科目..好似6901呢d咁..

一如以往..單拖去..好快就行完左幾個預定要睇ge 地方同科目..

之後見時間尚早..就join左law哥佢地去周圍參觀下學校...

中途見到之前誠社個社長..佢都係呢度ge學生...

好驚訝佢竟然記得我叫咩咩棠..咁無辦法啦..

咁都俾佢知..真係要俾下面入下佢果科度睇下...

o係入面呃左隻閃燈杯返黎..都幾靚ge~

行多一陣就跟個人去左hall tour..參觀左果個孫志新堂...

入面d地方都真係幾靚..d運動設施又好齊備..相當吸引~

因為law哥趕住走..所以就粗略行過下就返大埔喇~

雖然係咁..但係睇完hall之後都對大學ge宿舍生活有唔少憧憬..

不過點都好..都一定要考好個al ..入到大學先得!!

開左學就快一個月..

已經習慣番呢種沈悶ge學校生活喇...

尋日就要test..今日就做lab...

個個星期都係做埋差唔多ge野..

真係想呢半年快d完...

可以快d離開呢一班...

唔洗再見d唔想見到ge人...

不過呢兩日番學就覺得有趣多喇..

因為我發現左沿途有d流浪貓生隻幾隻貓仔..

尋日朝早就見到4隻一齊出黎玩..

但係今朝就靜係見到一隻..

見有時間就同佢影左張相~~

岩岩出世無耐...先得差唔多手掌咁大隻..

行去影佢果陣..佢仲細細聲咁喵喵咁叫~真係勁可愛~!

以後返學都見到佢地,睇住佢地大就好喇~

今日ge課堂都係咁樣...無咩特別...

但係又俾我知道左...

原來中七讀bio唔補simon cheung係一件好串ge事...

就係咁...我就串親左某d人...又俾人o係背後串親...

真係頂佢個臭肺!!

聽到之後..令我更加有鬥志要靠自己考好bio呢一科!

絕對唔可以俾人睇死!!